Policia e Kosovës ka hapur konkurs për pranimin e pjesëtarëve të rinj.
Në këtë konkurs, inkurajohen që të aplikojnë individët që i përmbushin kushtet nga të gjitha minoritetet (Serb, Boshnjak, Turq, Goran, Romë, Ashkali, Egjiptian, Kroat, Malazez, Maqedonas).
Kujtojmë se në fillim të muajit nëntor të vitit 2022, disa zyrtarë policorë serbë dhanë dorëheqje nga Policia e Kosovës.
Ata u dorëhoqën si shenjë protestë ndaj paralajmërimit të Qeverisë së Kosovës se do të nisë me shqiptimin e gjobave ndaj vozitësve të veturave me targa ilegale.
