Shefja e Misionit të Serbisë në Këshill të Evropës, Aleksandra Gjuroviq, ka thënë se vendosja në agjendë e aplikimit të Kosovës për anëtarësim në Këshill, ishte “demonstrim i fuqisë së shteteve të QUINT-it, kryesisht Gjermanisë”.
Gjuroviq për “Tanjug” tha se Gjermania ka luajtur rol vendimtare për të mbledhur përkrahjen e shteteve anëtare për mbledhjen e jashtëzakonshme të Komitetit të Ministrave.
“Është muzgu i të drejtës ndërkombëtare”, tha Gjuroviq, duke pretenduar se është shkelur statuti.
Të hënën Kosova ka kaluar fazën e parë drejt anëtarësimit në Këshill të Evropës, pasi Komiteti i Ministrave shqyrtoi aplikimin e Kosovës dhe e barti tek Asambleja Parlamentare e KiE-së.
