Skënder Sadiku, Zv.Kryesues i Kuvendit Komunal në veri të Mitrovicës, ka thënë se gazeta serbe “Danas”, së fundmi përmes një karikature e ka paraqitur presidentin e Serbisë, Aleksandër Vuçiq, si një diktator.
I ftuar në emisionin “Debat Plus”, ku po diskutohet për dilemat për statutin e Asociacionit dhe përballjen në Bruksel midis kryeministrit të Kosovës, Albin Kurti dhe presidentit serb, Vuçiq.
“Në ballinë është e paraqitur Qeveria që udhëhiqet nga Vuçiq është i paraqitur si diktator dhe kjo gazetë thotë se diktatura është më e fortë se sa kur është rrëzuar salla malla – që ka qenë një aferë e madhe të cilën e paraqesin si diktaturë vetë politikanët”.
“Në pjesën e dytë të po së njëjtës gazetë është një “gexhe”, e paraqet një fshatar të pagdhendur me maskë, i cili më pas e largon maskën Vuçiqi dhe më pas kur e largon atë vjen te Millosheviqi”, ka thënë ai.
Sadiku ka shtuar se për qytetarët e komunës së Mitrovicës normaliteti është jetik.
“Është e mira që është ndërruar narracioni. Për ne normaliteti është jetik. E mira është që po përmendet normalizimi. Veriu në kushte dhe rrethana se çka ka përjetuar mund të themi se veriu ka qenë rehat dhe nuk ka pasur telashe. E keqja është se nuk është arritur të ruhet prona e qytetarëve si p.sh djegia e automjeteve. Se çka kanë bërë serbët duhet t’u lihet organeve kompetente”, shtoi ai.
