Deputeti Fatmir Humolli ka thënë në emisionin Pressing në T7 se ekziston mundësi që të krijohet një grup i ri parlamentar me të larguarit nga VV.
Prej fillimit të mandatit të kësaj legjislature, nga grupi i VV-së janë larguar tri persona. Haki Abazi dhe Fatmir Humolli u larguan së fundi dhe janë të pavarur, ndërsa Doarsa Kica Xhelili i është bashkuar LDK-së.
Humolli e pranon se si deputet i vetëm je i pafuqishëm, ndërsa shton se me Abazin kanë të përbashkëta.
“Si individ je i pafuqishëm. Nuk mund të japësh më shumë. Ka nevojë për krijimin e një grupi. Por nuk mund t’i them askujt hajde, pa qenë ai i vetëdijshëm që po i bashkojmë fuqitë. Ai që do mu bashku me mu, e di se nuk kemi rrugë të lehtë”, tha ai.
“Me Hakiun kemi të përbashkëta, ka njohuri në politikën e jashtme. Ai njeh disa gjëra, unë disa. Unë e njoh sigurinë si mund të frymojë”, shtoi Humolli.
