Kryetari i Aleancës Kosova e Re, Behgjet Pacolli ka dalë me një komunikatë duke thënë se kjo parti mirëpret thirrjen e ShbA-së për mbylljen e çështjes së Asociacionit.
Pacolli në një shkrim të tij në Facebook, ka thënë se duhet të ketë “bashkërendim me miqtë e dëshmuar”.
“Kosova mund të ecë përpara e sigurt, vetëm në harmoni me miqtë e saj tradicionalë!” – ka shkruar tutje ai.
Postimi i plotë:
AKR mirëpret thirrjen e SHBA, mikut më të madh të Kosovës, për mbylljen e çështjes së Asociacionit.
AKR e përkrah fuqishëm vizionin amerikan për një Asociacion brenda kornizës së kushtetutës së Kosovës.
Bashkërendimi me miqtë e dëshmuar, Kosovës gjithmonë i ka sjell vetëm fitore.
Kosova mund të ecë përpara e sigurt, vetëm në harmoni me miqtë e saj tradicionalë!
