Gazetarja e Klan News, Mirela Milori thotë se për situatën në veri të Kosovës, Kryeministri Rama po kërkon të luajë një rol që ia kanë dhënë ndërkombëtarët.
E ftuar në emisionin “Opinion” në Tv Klan, Milori shprehet se për ndërmjetësimin mes Kosovës dhe Serbisë, nuk beson se do të ishte një faktor i madh Rama.
Mirela Milori: Kurti bëri një ndërhyrje në veri që ngriti peshë të gjithë diplomacinë ndërkombëtare. Në këtë histori, i vetmi që nuk ka lëvizur është Kurti. Rama ka dashur që shpeshherë t’i afrohet Kurtit. Nuk i është dhënë Kurti kësaj miqësie me shpirt dhe Rama ka shkuar në pozicionin e tij fillestar.
Rama po kërkon të luajë një rol që ndërkombëtarët ia kanë dhënë. Për ndërmjetësimin nuk besoj që do të ishte një faktor i madh Rama sa të dilte me “leje mësuese të shkoj unë”. I duhet atyre dhe e bën Rama.
