Një aksident trafiku ka ndodhur në afërsi të Shkupit, ku një veturë ra në lumin Lepenc.
Nga katër pasagjerë që ishin në veturë, vetëm një ka arritur të shpëtojë.
Burime të medias pohojnë se Shkëlqim Pacolli, 21 vjeçar, ka kërcyer nga vetura e tipit BMW që u aksidentua pranë Gurit të Zi, te tuneli i Shkupit.
I njëjti është duke marrë trajtim mjekësor në Spitalin e Shkupit.
Tre pasagjerë të tjerë në veturë vazhdojnë të mbesin të pagjetur.
Njësitet e kërkim-shpetimit janë aktivizuar për të gjetur edhe pasagjerët e tjerë.