Sot në Ditën e Refugjatëve, presidentja e vendit Vjosa Omsani ka kujtuar luftën në Kosovë.
Përmes një postimi në Twitter, Osmani ka thënë se gjatë luftës së Kosovë, më shumë se gjysma e popullsisë u bënë refugjatë, “si rezultat i gjenocidit të Millosheviqit”.
“Në Ditën e Refugjatëve kujtojmë sakrificën dhe vuajtjen e pamasë të refugjatëve në mbarë botën. Gjatë luftës në Kosovë, më shumë se gjysma e popullsisë sonë u bënë refugjatë si rezultat i gjenocidit të Millosheviqit. Sot ne vazhdojmë të përforcojmë zërat e refugjatëve dhe mbrojmë të drejtat e tyre”, ka shkruar ajo.
Sot shënohet Dita Botërore e Refugjatëve.
Dita Botërore e Refugjatëve synon të tërheq vërejtjen për vuajtjet e dhjetëra milionë refugjatëve në mbarë botën.
