Eurodeputeti holandez, Thijs Reuten, ka kërkuar presion nga BE-ja dhe partnerët perëndimor që Serbia t’i lirojë menjëherë policët e Kosovës të rrëmbyer nga forcat serbe.
Reuten, përmes një postimi në Twitter, ka thënë se me policët e kidnapuar nuk duhet të bëhet pazar, por të sigurohet kthimi dinjitoz dhe i menjëhershëm.
“Ka kaluar më shumë se një javë nga kidnapimi i tre policëve të Kosovës. Kjo është përtej të papranueshmes” , ka thënë Reuten.
Më tej, ai tha se “Urgjentisht tani nevojitet presioni maksimal i koordinuar nga BE-ja dhe partnerët, për t’i kthyer ata në familjet e tyre sa më shpejt”.
“Asnjë pazar, vetëm kthim dinjitoz dhe i menjëhershëm i tyre”, ka shkruar ai.
🇪🇺🇷🇸🇽🇰 More than a week passed since the kidnapping of 3 Kosovo police officers. Beyond unacceptable.
— Thijs Reuten 🇪🇺🌹 (@thijsreuten) June 22, 2023
Maximum coordinated pressure from EU and partners urgently needed now, to return them to their families asap. No bargaining, just their dignified and immediate return. https://t.co/qRMZi7UnvE
Të enjten e 14 qershorit policia e Kosovës njoftoi se tre pjesëtarë të saj janë rrëmbyer nga autoritetet e Serbisë, brenda territorit të Kosovës, në afërsi të kufirit Kosovë-Serbi.
Lirimin e menjëhershëm të policeve e ka kërkuar SHBA dhe përfaqësues të Bashkimit Evropian dhe vendeve të QUINT-it.
