Analisti Jusuf Thaçi ka reaguar pas deklaratës së Josep Borellit, ku tha se ndjehet i alarmuar pas situatës në veri të vendit tonë.
Thaçi këtë deklaratë të Borellit e cilësoi si skandaloze, duke shpresuar se ky qëndrim nuk është i Bashkimit Evropianit.
“Shpresoj që ky qëndrim i z. Borell nuk është edhe qëndrim i BE-së! Nëse po, atëherë Kosova duhet të tërhiqet urgjentisht nga i ashtu-quajturi dialog i ndërmjetësuar nga BE”, shkroi analisti në Facebook, përcjell “Bota sot”.
Postimi i plotë
Deklaratë skandaloze e z. Borell
Policia e Kosovës po arreston të dyshuar për sulme ndaj KFOR-it, ndaj Policisë dhe ndaj gazetarëve, për të cilët ka fakte e prova të forta (foto e video). Arrestimet po bëhen në përputhje me të gjitha procedurat ligjore.
Në anën tjetër, FSK-ja po parakalon në territorin e Kosovës, pra në vendin e vet.
Ku e ka hallin z. Borell? Çka nuk do të tolerojë ai? Arrestimin e kriminelëve? Parakalimin e FSK-së brenda Kosovës?
Shpresoj që ky qëndrim i z. Borell nuk është edhe qëndrim i BE-së! Nëse po, atëherë Kosova duhet të tërhiqet urgjentisht nga i ashtu-quajturi dialog i ndërmjetësuar nga BE.