“Jugosllavia na ka mbajtur me bukë”, Elvis Hoxha: Deklaratat e Ramës janë skandaloze

Aktuale

“Jugosllavia na ka mbajtur me bukë”, Elvis Hoxha: Deklaratat e Ramës janë skandaloze

Më: 27 qershor 2023 Në ora: 07:48
Anëtari i Kryesisë së Lëvizjes Vetëvendosje, Elvis Hoxha

Anëtari i Kryesisë së Lëvizjes Vetëvendosje, Elvis Hoxha ishte këtë të hënë në “Now me Erla Mëhillin” për të folur rreth zhvillimeve të fundit në Kosovë.

Ai ka komentuar ndër të tjerat edhe qëndrimet e kryeministrit të Shqipërisë  Edi Rama, ku tha se frazat e përdorura prej tij janë të dyshimta dhe gjithnjë në interes të presidentit të Serbisë.

“Rama prodhon aq shumë fraza, krejt të dyshimta në aspektin kombëtar. Të dyshimta janë edhe fraza të tipit historik, Jugosllavia  ishte hapësirë e lirisë, Jugosllavia na ka mbajtur me bukë. Fraza më të rënda se kaq unë nuk di të them të drejtën, që në situata në ngjashme politike dhe rajonale të guxonte presidenti apo kryeministri i një vendi të thoshte fraza të tilla.

Jugosllavia hapësirë e lirisë është 660 shekuj burg për shqiptarët nga viti ’45 deri në ’91, kjo është hapësira e lirisë që thotë kryeministri. Në çdo organizim kombëtar, Rama ka shprehur gjithmonë hallin e Vuçiçit, asnjëherë nuk ka parë pozicionin e vështirë të Kosovës”, tha Elvis Hoxha në Euronews Albania.

commentFirst article
Sot mund të lexoni Shfletoni kopertinat