Doarsa Kica-Xhelili, deputetja e Lidhjes Demokratike të Kosovës (LDK) ka folur në emsionin DPT te Fidani të T7 për situatën në Veri të Kosovës dhe raportit të Kosovës me bashkësinë ndërkombëtare.
Ndër tjerash, deputetja opozitare ka folur edhe për ish-bashkëpuentoren e saj, Vjosa Osmanin që mban postin e presidentes së Kosovës.
Për këtë pozitë, Kica Xhelili thotë se kompetencë e ka edhe politikën e jashtme.
Për këtë, siç deklaron ajo ”presidentja duhet të reagojë”.
E me faktin që nuk po reagon, deptuetja e LDK-së thotë se ”kjo i minon aleancat e Kosovës”.
“Unë e shoh edhe në bazë të autorizimeve kushtetuese dhe roli i saj është edhe politika e jashtme. Nëse ajo e sheh një interes kombëtar të Kosovës çështjen e aleancave atëherë do të duhej ta kuptonte që mos reagimi i ndihmon minimit të ketyre aleancave”, ka deklaruar ajo.
Më tutje, deputetja ka folur dhe për Listën Guxo, grupacion pjesë e secilës ishte edhe ajo para se të aderonte në LDK.
Ajo deklaron se ka besuar se njerëzit e Listës Guxo besojnë në ideologjinë e presidentit të ndjerë, Ibrahim Rugova.
“Si grupacion ne kemi përku me ideologjinë e një miqësie të përhershme me SHBA-të dhe një afërsie me BE-në e anëtarësim në NATO, sepse kjo ka qenë edhe pikëpamja e presidentit, Ibrahim Rugova”, ka deklaruar ajo.
