Kryeministri Rama gjatë zhvillimit të vizitës së turit ballkanik në Kosovë është përballur me një situatë të pakëndshme dukshëm jashtë ‘parapërgatitjeve’ që ai bën në të tilla raste, duke u emërtuar 'tradhtar' nga thirrjet e një qytetari të Kosovës.
Kryetari i Partisë Demokratike, Sali Berisha në videon e postuar në facebook jep intervistën e bërë nga një gazetar i një media online të Kosovës.
"Tradhtar, je turpi i shqiptarisë, ai flet me Vuçiçin..." këto ishin disa nga fjalët e përdorur.
Të enjten Rama ishte për vizitë në Shkup dhe takoi kryeministrin maqedonas, Dimitar Kovaçevski, si dhe në Prishtinë, ku u takua me presidenten e Kosovës, Vjosa Osmani.
