Emisari i BE-së për dialogun Kosovë-Serbi, Miroslav Lajçak, ka shfrytëzuar Forumin e sotëm të Dubrovnikut për të folur me liderë të ndryshëm mbi këtë proces.
Ai atje u takua me kryediplomatin italian Antonio Tajani, të cilin tha se e informoi për dialogun dhe hapat e nevojshëm për shtensionimin e situatës në veri.
“Italia është një partner i rëndësishëm për Ballkanin Perëndimor dhe jam mirënjohës për mbështetjen në mandatin dhe punën time. Kryediplomatin Antonio Tajani e informova për situatën në dialog dhe hapat e nevojshëm për de-përshkallëzimin dhe kthimin në dialog. Mezi pres të vazhdojmë të punojmë së bashku”.
🇮🇹 is an important partner to the Western Balkans and I am thankful for the support to my mandate and work. I briefed @Antonio_Tajani on the situation in the Dialogue and the steps needed for de-escalation and return to the Dialogue. Looking forward to continue working together. pic.twitter.com/nKe8htshSH
— Miroslav Lajčák (@MiroslavLajcak) July 8, 2023
Tajani edhe gjatë një paneli ku ishte folës tregoi për angazhimin e vendit të tij karshi Ballkanit Perëndimor, duke përmendur edhe punën e ushtarëve italianë në Kosovë e Bosnjë në shërbim të paqes.
