Duke komentuar përgjimet e publikuara sot në medie mes shefes së Grupit Parlamentar të Lëvizjes Vetëvendosje, Mimoza Kusari-Lilës dhe ish-deputetit të Listës Serbe, Slavko Simiq, deputeti i LVV-së, Artan Abrashi tha se ai dhe partia e tij nuk janë të befasuar me siç tha ai “këto forma të intimidimit politik”.
Kjo sepse sipas Abrashit, opozita po bënë një fushatë agresive kundër Qeverisë Kurti nëpërmjet lidhjes së tyre të ngushtë me Listën Serbe.
“Në përgjithësi para se të lëshohem në specifikat e saj si LVV ne nuk jemi aspak të befasuar me këto forma të intimidimit politik. Unë ndryshe nuk mund ta quaj këtë. Kjo fushatë agresive e opozitës fillimisht pastaj e disa zgjatimeve të saj në disa media të bizneseve të caktuara e siç po shihet edhe me lidhje shumë të fuqishme me Beogradin nëpërmjet Listës Serbska ka pru një situatë të tillë ku krijohen tema përmes së cilave synohet që të komprimitohet qasja shumë serioze e pushtetit të udhëhequr nga Vetëvendosje veçanërisht me çështjen e veriut”, tha ai në Tëvë1.
Teksa theksoi se kundërshtarët e tyre politikë kanë rënë në nivel të tillë që sipas tij, krijojnë kauza të paqena vetëm me qëllim të kundërshtimit të qeverisjes së VV-së.
“Nuk jemi aspak të befasuar, natyrisht të zhgënjyer me nivelin në të cilën kanë ra kundërshtarët tanë politik të dëshpëruar që krijojnë kauza të qena të paqena me qëllim të kundërshtimit të Qeverisë, mirëpo në rastet kur Qeveria e Kosovës ballafaqohet me situate shumë serioze, me obligime të cilat rrjedhin nga detyrimet e saja të përcaktuara me Kushtetutë dhe ligj sikurse që është shtrirja e sovranitetit të vendit në çdo cep të territorit të Kosovës atëherë krejt këto nuk po munden me i kuptua por jo vetëm unë por edhe qytetarët”, tha ai.
Tutje Abrashi tha se ishin vet deputetët e Listës Serbe të cilat sipas tij, kanë bërë audioincizimin në fjalë.
“Deputetët e Listes Serbe çdo herë në situate të komunikimit vijnë të përgatitur, në kuptimin e incizimit të bisedave dhe ne si Vetëvendosje, por jo vetëm ne të gjithë e dinë këtë punë. Po janë vet ata që kanë qenë në takim me zonjën Kusari për të cilën patëm rast ne me bisedu në Kuvend të Kosovës dhe me të vërtetë ajo shpreh habinë e saj, sepse ishte në kudër të takimeve të cilat si shefe e Grupit Parlamentar e ka për obligim me u marrë me të gijtha partitë dhe të gjthë deputetët lidhur me çështjen e agjendës legjislative të kuvendit”, shtoi ai.
