Të hënën në Prishtinë u protestua kundër vendimit për pezullimin e certifikatës së biznesit të Klan Kosovës, nga ana e Ministrisë së Industrisë, Ndërmarrësisë dhe Tregtisë.
Për këtë vendim ka pasur shumë reagime, sidomos nga nënkryetarja e Partisë Demokratike të Kosovës, Vlora Çitaku.
Ajo tha se qeveria po i cenon vlerat e gazetarisë.
“Kjo është forma më brutale e luftës kundër lirisë së shprehjes. Dhe pa informatë, pa lajme, pa media të lira, demokracia nuk funksionon, demokracia nuk funksionon në errësirë”, tha Çitaku.
