Bashkimi Evropian e ka mirëpritur njoftimin e fundit nga Qeveria e Kosovës për një reduktim të mëtejshëm prej 25% të pranisë së policisë brenda dhe përreth ndërtesave komunale në veri të Kosovës.
"Vendimi është marrë pas një takimi të nivelit teknik ndërmjet Policisë së Kosovës dhe EULEX-it, me qëllim përcaktimin e parametrave të përbashkët për vlerësimin e situatës së sigurisë në komunat veriore", ka thënë sot për RTK-në zëdhënësi i BE-së, Peter Stano.
Por, Bashkimi Evropian po konsideron se kjo nuk mjafton për heqjen e masave ndëshkuese ndaj Kosovës.
"Këto janë hapa në drejtimin e duhur, por nevojiten hapa të mëtejshëm", ka thënë Stano.
