Emisari i Bashkimit Evropian për dialogun Kosovë-Serbi, Mirosllav Lajçak, është takuar sot në Bruksel me Komandantin e KFOR’it, Angelo Michele Ristuccia, me të cilin ka folur për situatën në Kosovë.
Lajçak ka thënë se kanë shkëmbyer të dhëna për zhvillimet në terren dhe se kanë ndarë vlerësimet e tyre mbi burimet e mundshme të tensioneve në të ardhmen.
Në fund, Lajçak ka thënë se është mirënjohës për punën e KFOR’it në ndërtimin e një mjedisi të sigurt në Kosovë.
“Mirëprita Komandantin e KFOR’it, Gjeneral Ristuccia sot në Burksel. E rëndësishme të shkëmbejmë shënime mbi zhvillimet në terren dhe të ndajmë vlerësimet tona mbi burimet e mundshme të tensioneve të ardhshme. Mirënjohës për punën jetike të KFOR-it në ndërtimin e një mjedisi të sigurt në Kosovë”, ka shkruar Lajçak.
