Se nga se cila njësi e Ushtrisë Serbe vjen granatahedhësi automatik i gjetur në Banjskë, mund të përcaktohet për rreth pesëmbëdhjetë sekonda, ka thënë për portalin serb “Vreme”, koloneli i shërbimit teknik në pension, Najdan Vojinoviq.
Regjistri numër 59056 nga kutia në të cilën është vendosur granatahedhësi automatik (BGA) i numrit serik 201, i zbuluar te një “civil” apo pjesëtar I një paraformacioni në fshatin Banjskë të Kosovës, vendos shtetin e Serbisë dhe sistemin e saj të mbrojtjes (Ushtrinë, Ministrinë, Jugoimport SDPR) para një tundimi të madh: si të shpjegohet se nga ka ardhur ai armatim dhe nga cilat rrugë ka ardhur.
Nëse do të hiqej nga një magazinë ushtarake dhe do t’i jepej “dikujt”, është një problem serioz për sistemin, i cili do të duhet ta shpjegojë jo vetëm publikut vendas, por edhe institucioneve ndërkombëtare; dhe nëse dikush e “vodhi” dhe e shiti vetë, problemi është përgjegjësia e shumë njerëzve në zinxhirin komandues – si nuk e vunë re në regjistrimet vjetore që një mjet i tillë, jo një pistoletë apo një pushkë automatike, ishte zhdukur.
Kontrolli nuk duhet të zgjasë më shumë se një ditë
Një nga ata që nuk do të hesht është koloneli i pensionuar i shërbimit teknik Najdan Vojinoviq, i cili në fund të viteve nëntëdhjetë ishte komandant i bazës së pasme në Korpusin e Prishtinës dhe i di më së miri detajet që kanë të bëjnë me regjistrat e pasurive luftarake.
Në një intervistë për “Vreme”, ai ka pohuar se sipas dëshirës mund të përcaktohej brenda një dite se nga cila magazinë apo njësi vinte ajo BGA. Si përmes numrit të fabrikës ashtu edhe përmes procesverbalit.
Sektori ushtarak i Ministrisë së Mbrojtjes mund të përcaktojë shpejt se nga cila magazinë është marrë. Nuk shihet mirë vula, por kanë emrat e mbajtësit të materialit teknik (magazinierit), oficerit të shërbimit teknik dhe komandantit – shefit të logjistikës. Kjo tregon se BGA ka qenë në një njësi ushtarake, jo në një fabrikë ushtarake, sepse nuk kanë shef të logjistikës.
Për cilën njësi ushtarake bëhet fjalë, mund të gjendet në kompjuterët e shërbimit të personelit të Ushtrisë Serbe dhe Ministrisë së Mbrojtjes brenda 15 sekondash, duke shkruar emrin dhe mbiemrin e nënshkruesve, sqaron Vojinoviq.
Granatahedhësi ishte e ruajtur mirë
Ai, si dikush që e kaloi jetën e tij të punës në logjistikë, theksoi se letra e gjetur në arkë me BGA nuk është një dokument tip, por një i ashtuquajtur dokument ndihmës, i cili bëhet me qëllim që të shfaqet në ambalazhin e aseteve. (arkë, çantë, paletë, thes) çfarë ka brenda.
“Ajo BGA ka kasën e vet të tipit në të cilën vendoset me mjete dhe aksesorë rezervë. Është marrë nga një magazinë e ushtrisë, ministrive apo SDPR dhe më pas është dekonservuar. Nuk ka qenë në përdorim të vazhdueshëm por në magazinë”, sqaron Vojinoviq.
Ai, si ekspert, në bazë të fotografisë së procesverbalit (dikur quhej “packing list”) të publikuar nga policia e Kosovës, ka treguar një detaj, të pavërejshëm dhe të parëndësishëm për syrin e një vëzhguesi të zakonshëm.
“Në krye të regjistrit, shihet një njollë e verdhë, sipër mbishkrimit “Numri i arkës…”. Është një njollë nga “tretësi” i shkrirë – mjet për ruajtjen afatgjatë të armëve dhe pajisjeve. Kur është e ruajtur në një banjë me ‘tretës’, në 70 gradë Celsius, dhe më pas e mbështjellë në letër, gjithashtu e njomur në atë tretësirë, mund të mbrohet për më shumë se 50 vjet. Jo të gjitha njësitë në ushtri kanë ‘tretës’, por vetëm ato që kanë punëtori riparimi. Dhe, natyrisht, ky është Instituti i Remontit Teknik në Çaçak”, tha Vojinoviq, dhe theksoi se, për shkak të asaj njolle, është e qartë se BGA ishte dekonservuar.
Pritet një përgjigje nga Ministria e Mbrojtjes
Dhe për këtë, shton ai, është e lehtë ta hetosh të gjithë rastin, po të duash – shërbimi teknik i ushtrisë dhe ministrisë le të shikojë urdhrat në ato njësi që bëjnë konservim afatgjatë të armëve dhe të gjejnë BGA-në me numër 201 dhe të shikojë nga porosia e punës nga cila njësi ka ardhur.
“Nëse BGA ka ndërruar njësi, ka numra fabrikash në listat materiale për dorëzimin e aseteve, është e lehtë të gjesh se nga kush dhe kujt i është dorëzuar, ekspertët ushtarakë nëse duan të hetojnë, mund ta marrin shumë lehtë. Aq më tepër që ka nënshkrime të personave përgjegjës për ambalazhimin në kutinë e tipit”, ka përfunduar Vojinoviq, i cili dikur ka qenë epror i shefit aktual të Drejtorisë së Logjistikës së Forcave të Armatosura të Serbisë.
Tani i takon shtetit dhe Ministrisë së Mbrojtjes që të bëjnë një deklaratë për këtë, dhe ndoshta të përpiqen ta demantojnë Vojinoviqin. Ose, sipas zakonit, para publikut ndonjë epror të klasit të parë para daljes në pension, emri i të cilit nuk do të publikohet, por vetëm inicialet, do të akuzohet se ka e “shitur” këtë mjet dhe do të njoftohet se “procedimi penal ka fillar” kundër tij.
