Presidentja e Kosovës, Vjosa Osmani, ka njoftuar se është takuar me presidenten e Komisionit Evropian, Ursula von der Leyen, gjatë qëndrimit në Granada të Spanjës.
Osmani ka thënë se Kosova ka nevojë më shumë se kurrë për mbështetjen e Komisionit Evropian.
“Kosova më shumë se kurrë ka nevojë për mbështetjen e Komisionit Evropian, ndërkohë që po përballemi me sfida të paprecedentë”, ka shkruar presidentja në platformën “X”.
Always good to encounter @EU_Commission President @vonderleyen.
— Vjosa Osmani (@VjosaOsmaniPRKS) October 6, 2023
Kosovo needs the support of the European Commission more than ever, while we’re facing unprecedented challenges. 🇽🇰🇪🇺 pic.twitter.com/4Nk9ojv3gn
Ndryshe, presidentja Osmani në Granada ka marrë pjesë në samitin e liderëve të vendeve evropiane. Ajo ka takuar edhe kancelarin gjerman, Olaf Scholz, kryeministrin britanik Rishi Sunak, presidentin francez, Emmanuel Macron, kryeministrin grek Kyriakos Mitsotakis, etj.
