Sot mbahet konferenca “Sulmi terrorist në Banjskë - implikimet rajonale e gjeopolitike”
Instituti “Octopus” sot (e mërkurë) mban konferencën “Sulmi terrorist në Banjskë - implikimet rajonale e gjeopolitike”.
Sipas njoftimit, në këtë konferencë do të prezantohet studimi i radhës nga autorët Agim Musliu, drejtor i Institutit dhe hulumtuesit Arta Haxhixhemajli dhe Taulant Elshani.
Në këtë konferencë do të marrë pjesë edhe zëvendëskryeministri i Kosovës, Besnik Bislimi dhe njohës të çështjeve të sigurisë nga vende të ndryshme.
Në mesin e panelistëve do të jenë edhe Ilir Kulla nga Shqipëria. Jasmin Mujanoviq nga ShBA-ja, Ivica Antiq nga Kroacia etj.
Konferenca do të nisë në ora 11:00.
