Avokati Teki Bokshi ka thënë se mosdekretimi i Blerim Isufajt për kryeprokuror të shtetit nga ana e presidentes Vjosa Osmani, nuk është në harmoni me dispozitat kushtetuese.
Në emisionin Rubikon ai ka theksuar se presidentja nuk ka mekanizma përkatës hetimorë që të verifikojë rregullsinë e procedurës lidhur me këtë çështje.
“Në këtë rast mendoj se ky mosdekretim i presidentes nuk është në harmoni me dispozitat e Kushtetutës për shkak se presidentja nuk ka mekanizma përkatës hetimorë në kuadër të funksionit të presidentes që të verifikojë rregullsinë e procedurës.
Përkatësisht të bëjë hetime se a është i denjë një prokuror i propozuar nga Këshillit Prokurorial të kryejë rolin e kryeprokurorit të shtetit”, ka thënë Bokshi.
