Po vazhdon seanca e jashtëzakonshme, ku po debatohet për ngritjen e koeficientit të pagës.
Të pranishëm në sallën plenare janë vetëm 15 deputetë të Kuvendit të Kosovës. Ndërkohë që asnjë deputet i Lëvizjes Vetëvendosje, nuk po merr pjesë në seancën e ftuar nga Aleanca për Ardhmërinë e Kosovës.
Kjo parti ka prezantuar një rezolutë, me kërkesën që koeficienti i pagave prej 105 të ngrihet në 129.
Para pauzës, ishte i pranishëm vetëm deputeti i LVV-së, Eman Rrahmani. Ky i fundit ka kritikuar mazhorancën dhe partitë opozitare. Ai tha se nuk duhet të ketë bojkotim të seancave të thirrura nga opozita.
