Opinionist politik, Gazmir Raci, ka folur se çfarë mund të jetë propozuar sot në takim nga liderët e Francës, Italisë dhe Gjermanisë me kryeministrin Albin Kurti në Bruksel.
Ai, në Info Magazine të Klan Kosovës, ka deklaruar se ka mundësi të jetë propozuar që të zbatohet plani franko-gjerman.
“Unë nuk besoj as që ndërmjetësit munden të ofrojnë diçka më shumë se ato qëndrime që i kanë mbrojtur që nga janari e këndena. Sidomos analiza e përbashkët e dy diplomatëve amerikanë, Gabriel Escobar dhe Derek Chollet, ku rendisin tri parime në të cilat duhet të zbatohet Asociacioni”.
“Sa kam kuptuar nuk është duke u diskutuar ekskluzivisht Asociacioni, komplet plani franko-gjerman dhe Aneksi i Ohrit dhe mundësia se si të zbatohet. Kjo është çfarë unë mendoj se është duke u diskutuar atje”, ka thënë Raci.
