Ish-anëtari i Lidhjes Demokratike të Kosovës (LDK), Faton Bislimi ka reaguar pas takimeve të mbajtura në Bruksel, në mes liderëve të shteteve anëtare të BE-së dhe liderëve të Kosovës dhe Serbisë, Albin Kurti dhe Aleksandar Vuçiq.
Ai në një postim në Facebook u shpreh se në tavolinën e bisedimeve mungoi Amerika, prandaj sipas tij nuk mund të pritet një marrëveshje mes Kosovës dhe Serbisë.
“Përdryshe, politika e përkëledhjes së vazhdueshme ndaj Serbisë nga Borell & Co, veçsa do e rrisë koston politike e të sigurisë me jo vetëm për rajonin por për krejt Evropën! Lojaliteti i Beogradit ndaj Rusisë nuk thyhet me “karrotat evropiane”, por vetëm me “shkopinjtë amerikanë!””, shkroi ndër të tjera Bislimi, përcjell “Bota sot”.
Postimi i plotë
Në tavolinën e gjerë e të gjatë të Brukselit ishin ulur liderët kryesorë të BE-së, përballë Kosovës e Serbisë, ndaras, por aty mungonte dikush! Aty mungonin vetëm ata që realisht mund të çojnë në histori këtë punën e dialogut! Aty mungonin SHBA-të! Prandaj as sot, as nesër dhe asnjëherë deri sa asaj tavoline t'i bije dora e Amerikës, mos pritni marrëveshje!
Përdryshe, politika e përkëledhjes së vazhdueshme ndaj Serbisë nga Borell & Co, veçsa do e rrisë koston politike e të sigurisë me jo vetëm për rajonin por për krejt Evropën! Lojaliteti i Beogradit ndaj Rusisë nuk thyhet me "karrotat evropiane," por vetëm me "shkopinjtë amerikanë!"
