Përfundon bastisja në shtëpinë e ish-këshilltari tjetër të Thaçit, ja çka ka konfiskuar Gjykata Speciale

Ka përfunduar bastisja në shtëpinë e Ismail Sylës, ish këshilltar i ish presidentit Hashim Thaçi.

Avokati Artan Qerkini ka thënë se Sylës i është sekuestruar vetëm telefoni.

Kujtojmë se të hënën dhe të martën, Prokuroria e Gjykatës Speciale ka kryer bastisje në shtëpitë e tre ish këshilltarëve të Thaçit – Bashkim Smakaj, Blerim Shala dhe Artan Behrami.

Media po qëndron afër vendit ku jeton Syla dhe sjell pamje prej atje:

PS vazhdon operacionet në Kosovë, bastisje në shtëpinë e ish-këshilltarit të Thaçit, Ismail Syla

Zyra e Prokurorit të Specializuar (ZPS) ka konfirmuar se janë duke vazhduar  operacionet e bastisjes në Kosovë.

Zëdhënësi i kësaj zyre Christopher Bennett tha se një gjë e tillë po bëhet në bashkëpunim me Policinë e Kosovës dhe EULEX-in.

“Zyra e Prokurorit të Specializuar (ZPS) aktualisht është duke kryer operacione në Kosovë. Operacionet e ZPS-së po kryhen me mbështetjen e Policisë së Kosovës dhe Misionit të Bashkimit Evropian për Sundimin e Ligjit në Kosovë (EULEX).”, tha Bennett.

Mëngjesin e së mërkurës, Gjykata Speciale e ka bastisur edhe shtëpinë e Ismail Sylës, ish-këshilltar i ish-presidentit Hashim Thaçi.

Të martën është bastisur shtëpia e ish-këshilltarit tjetër të ish-presidentit, Hashim Thaçi, Artan Behrami.

Ndërsa java nisi me bastisjet në banesat e Blerim Shalës dhe Bashkim Smakajt.

I vetmi i cili ka folur për medie, Artan Behrami ka thënë se Dhomat e Specializuara në Hagë nuk mund t’i bastisë 1.8 milionë banorë që kundërshtojnë këtë Gjykatë dhe se veprimet e fundit kanë për synim mbjelljen e frikës, ndërkohë që sipas tij në procesin gjyqësor, Prokuroria nuk po mund të argumentojë asnjë nga akuzat.

Mëngjesin e sotëm ka filluar bastisja nga Dhomat e Specializuara në shtëpinë e Ismail Sylës, ish-këshilltar i presidentit Hashim Thaçi.

Kujtojmë që dje është kryer bastisje në shtëpinë e Artan Behramit, poashtu ish-këshilltar i Thacit dhe në shtëpinë e prindërve të tij.

Teksa para dy ditësh Specialja ka kryer bastisje në shtëpinë e ish-këshilltarëve Bashkim Smakaj dhe Blerim Shales.

E muaj më parë ishte bastisur edhe shtëpia e ish-këshilltarit tjetër, Adil Behramaj.

Pas bastisjes së banesësDJE , Artan Behrami, këshilltar i ish-presidentit Hashim Thaçi ka falënderuar familjarët dhe miqtë e tij nga trojet shqiptare për siç ka thënë “kujdesin dhe mesazhet inkurajuese“.

Ai ka shkruar në Facebook se bastisjet politike janë bërë “mjet i Prokurorisë së Gjykatës Speciale për të mbuluar disfatën në përballje me krerët e UÇK-së në sallën e gjyqit”

“Është momenti i fundit që të ndalet kjo marrëzi”, ka shkruar Behrami.