Avokati Gazmend Halilaj, i ka reaguar deputetit nga Partia Demokratike e Kosovës Bekim Haxhiu, i cili ka deklaruar se ish-presidenti Hashim Thaçi, po sakrifikohet pranë Gjykatës Speciale për ta mbrojtë Kosovën.
Avokati këtë pretendim të Haxhiut e ka quajtur “rrenë”, duke thënë se ish-presidenti dhe rrethi i tij, nuk kanë bërë as sakrificën më të vogël për vendin, përcjell Bota sot.
Sipas Halilajt, Thaçi po ballafaqohet për veprimet kriminale të tij.
Reagimi i plotë i Halilajt në Facebook:
Ngoni miq:
Deputeti Bekim Haxhiu e lëshoi një farë rrene, kinse ish-presidenti Thaçi, po sakrifikohet pranë Gjykatës Speciale për ta mbrojtë Kosovën.
Të dashur miq - ndër breza Hashim Thaçi dhe gjithë rrethi tij, e as ata që kanë udhëtuar me të, nuk kanë derdhë një pikë gjak e as nuk kanë bërë as sakrificën më të vogël për Kosovën.
Hashim Thaçi - po ballafaqohet për veprimet kriminale të tij, si urdhërdhënës kryesor i vrasjeve dhe zhdukjes të njerëzve me të ndershëm.
Gjykata Speciale po sjellë dritë për viktimat dhe të mbijetuarit.
Qofshin të mallkuar ata që morën jetën e të madhit Haki Imeri, Smajl Hajdari, hetuesit Hajdar Ahmeti, Besim Dajaku, etj etj.
Miq, ne nuk ndalemi në zbardhjen e këtyre vrasjeve, sepse e kemi obligim njerëzor...
Qofshi me shëndet miq...
