LDK po mbanë sot koventën për liderin e partisë.
Në lidhje me këtë ka reaguar deputeti nga LVV, Mefail Bajqinovci.
Ai u shpreh se LDK-ja e lidershipit të ndërruar vetëm në formë dhe e konsoliduar në prapaskenë me rrënjët e përbashkëta me PDK-në, përcjell “Bota sot”.
Sipas tij, në komunikimin politik e publik, bëjnë përpjekje titanike të duken si Albini, e në veprime politike, të duken sa ma PDK që është e mundshme.
Postimi i plotë
LDK-ja e lidershipit të ndërruar vetëm në formë dhe e konsoliduar në prapaskenë me rrënjët e përbashkëta me PDK-në, ku si gjithmonë, i bëjnë bashkë oligarkët ballkanik, sot e ka një konventë së cilës, më shumë se glamurozitetit, i shkëlqen shterpësia e ideve e vlerave.
Të përhumbur në kohë dhe në hapësirë Lumiri, studenti i dëgjueshëm, bashkë me Përparimin kaotik, janë në hall të madh.
Në komunikimin politik e publik, bëjnë përpjekje titanike të duken si Albini, e në veprime politike, vlera e sjellje (bashkepunimi me oligarket) të duken sa ma PDK që është e mundshme.
Pra, këtë konventë qartazi mund ta përkufizojmë si konventa ku shkruhet një pjesë e mirë e epitafit të vlerave politike të LDK-së.
