Edhe deputeti i VV-së, Enver Dugolli ka reaguar pas vendimit të Dhomave të Specializuara për pezullimin e vizitave dhe të gjitha komunikimeve të ish-krerëve të Ushtrisë Çlirimtare të Kosovës.
Dugolli e ka quajtur këtë vendim shkelje të të drejtave të njeriut,
Sipas tij ka burgje në botë ku kanë të drejtë t’i regjistrojnë e përgjojnë komunikimet me jashtë, por assesi ta ndalojnë komunikimin.
Në lidhje me zhvillimet e fundit në Gjykatën Speciale, Kryeministri me vend sot e quajti vendimin e djeshëm të kësaj Gjykate si zhvillim negativ. Ai vendim është shkelje e të drejtave të njeriut. Ka burgje nëpër botë ku kanë të drejtë t’i regjistrojnë e përgjojnë komunikimet me jashtë, por assesi ta ndalojnë komunikimin.
Kjo masë më përkujton diçka tjetër nga e kaluara, prandaj edhe pse shihet qartazi qe Zyra e Prokurorit të Specializuar është në panik, nuk do duhej assesi të lejohet shkelja e të drejtave të njeriut.
