Sveçla, Hajdari, Haxhiu e Gërvalla marrin pjesë në rivarrimin e Liridona Ademajt
Ministri i Punëve të Brendshme, Xhelal Sveçla po merr pjesë në rivarrimin e Liridona Ademajt, 30-vjeçares e cila u vra mizorisht të mërkurën në Bërnicë të Prishtinës.
Pjesëmarrëse në rivarrim janë edhe dy ministret Donika Gërvalla e Rozeta Hajdari.
Me kërkesë të familjarëve, trupi i Liridona Ademajt, e cila u vra të mërkurën mizorisht në Prishtinë, u zhvarros nga varrezat e fshatit Cërmjan të Gjakovës dhe po varroset në fshatin e saj të lindjes, Rracaj.
Prokuroria e miratoi kërkesën e familjes për rivarrimin e 30-vjeçares, e cila dyshohet se u vra në një skenar të organizuar nga bashkëshorti i saj, Naim Murseli. Ai dje doli për herë të parë para gjykatës, së bashku me Granit Plavën dhe Kushtrim Kokallën, dy të pandehurit tjerë me të cilët ekziston dyshimi i bazuar mirë se e organizoi vrasjen e Liridonës.
Gjykata Themelore e Prishtinës dje ua caktoi nga një muaj paraburgim secilit, pasi sipas gjykatëses së procedurës paraprake, “ekzistojnë bazat dhe arsyet për caktimin e masës së paraburgimit, ngase ekziston dyshimi i bazuar mirë se të pandehurit kanë kryer veprat penale”.
Rivarrimi i Liridona Ademajt nëpërmjet fotografive
Sot, nga fshati Cermjan është zhvarrosur trupi i Liridona Ademajt.
Me kërkesë të familjarëve, rivarrimi është duke u bërë në Rracaj të Gjakovës.
Trupi i Liridona Ademajt, u varros të premten në fshatin Cermjan të Gjakovës, nga vjen bashkëshorti i saj, Naim Murseli.
Familja Ademaj hap të pame, përgatitet për rivarrosjen e Liridonës
Familjarët e Liridona Ademaj, kanë hapur të pame në fshatin Rracaj ku pritet të rivarroset, 30-vjeçarja e vrarë javën e kaluar në Prishtinë.
Ajo është zhvarrosur nga varrezat e fshatit Cërmjan të Gjakovës, ku ishte varrosur fillimisht.
Me kërkesë të familjarëve, rivarrimi do të bëhet në fshatin e saj të lindjes. Familjarët kanë bërë të ditur se rivarrimi do të bëhet nga ora 14:00.
Gjykata Themelore e Prishtinës, ua ka caktuar nga 30 ditë paraburgim, Naim Murselit, Granit Plavës, dhe Kreshnik Kokallës, të dyshuar për vrasjen e Liridona Ademajt.
I dyshuari kryesor, Naim Murseli, ka organizuar vrasjen e gruas së tij duke paguar 30 mijë euro për kryerjen e këtij akti makabër.
Liridona Ademaj, u vra në Bërrnicë të Prishtinës, më 29 nëntor.
Zhvarroset Liridona Ademaj, do të rivarroset në fshatin e saj
Është zhvarrosur nga varrezat e fshatit Cernjan të Gjakovës trupi i pajetë i Liridona Ademajt, e cila u vra mizorisht të mërkurën në Prishtinë.
Ajo do të rivarroset në fshatin e saj të lindjes, Rracaj.
Rivarrimi do të bëhet në orën 14:00.
Trupi i Liridona Ademaj-Murseli, vrasja e së cilës dyshohet se u porosit nga bashkëshorti i saj për 30 mijë euro, do të rivarroset sot në Rracaj të Gjakovës.
Prokuroria ka pranuar kërkesën e së familjarëve të viktimës për zhvarrosjen e trupit nga varrezat e fshatit Cërmjan të Gjakovës.
“Njoftim mortor nga familja Ademaj. Familja Ademaj njofton miq, shokë e dashamir se rivarrimi i vajzës tonë Liridona Ademaj e vrarë me datën 29.11.2023 bëhet nesër me datë 4 dhjetor 2023 në varrezat e fshatit Rracaj në ora 14:00”, thuhet në njoftim.
Ndërsa Prokuroria ka bërë thirrje të respektohet e drejta e privatësisë gjatë procedurës së rivarrimit të trupit të Liridonës, pas kërkesës së familjarëve të saj.
“Gjithashtu, iu bëjmë apel që të tregoni konsideratë karshi familjarëve të viktimës, lidhur me shkrimet e publikuara ndaj kësaj çështjeje, kjo pasi ka qenë kërkesë e vetë familjarëve të viktimës tek organet e hetuesisë, meqenëse në këto çaste janë duke përjetuar momente të vështira dhe kërkojnë të respektohet e drejta e privatësisë edhe gjatë procedurës së rivarrimit të trupit të viktimës”, thuhet në njoftim.
Bashkëshorti i Liridonës, Naim Murseli, u arrestua të premten (1 dhjetor) vetëm disa orë pasi i organizoi ceremoninë mortore gruas së tij. Dyshohet se ai i kishte ofruar 30 mijë euro shtetasit Granit Plava për t’i vrarë bashkëshorten.