Ish-emisari i ShBA-ve për dialogun Kosovë-Serbi, Richard Grenell i ka reaguar ambasadorit gjerman në Kosovë, Jorn Rohde lidhur me vizitën e Sekretares Parlamentare të Shtetit në Ministrinë Federale të Mbrojtjes së Republikës së Gjermanisë, Siemtje Möller.
Grenell në platformën “X” ka shkruar se “gjermanët janë në anën e gabuar të historisë”.
Ai gjithashtu e quan fashist kryeministrin Albin Kurti.
“Albin Kurti ka hedhur poshtë çdo ide që ka hedhur Perëndimi. Mjerisht, qeveria gjermane dështoi të përqafonte zgjidhjet që Thaçi dhe Vuçiq ranë dakord të parashtronin së bashku. Gjermanët janë në anën e gabuar të historisë: duke përqafuar fashistin Kurtin”, ka shkruar Grenell.
Grenell ka shtuar se “çdo vend në mbarë botën e dënoi Kurtin për ndezjen e dhunës – përveç Gjermanisë”.
“Republikanët dhe demokratët rrallë bien dakord…por ata pajtohen se problemi është Kurti”, shkruan ai.
Ish-emisari i ShBA-ve për dialogun Kosovë-Serbi, ditë më parë adresoi kritika të shumta ndaj kryeministrit Kurti.
Duke komentuar fitoren e Aleksandar Vuçiq dhe partisë së tij SNS në Serbi, Grenell shtoi se kjo fitore erdhi si rezultat i menaxhimit të situatës me Kosovën, duke pohuar se sjellja e Albin Kurtit, të cilin e etiketon si “ekstremist”, ka pasur ndikim në këtë rezultat.
Albin Kurti has rejected every idea that the West has put forward.
— Richard Grenell (@RichardGrenell) December 19, 2023
Sadly, the German government failed to embrace the solutions Thaci and Vucic together agreed to put forward.
The Germans are on the wrong side of history: embracing the fascist Kurti.
Every country around… https://t.co/DGkvMVi3DV
