Veprimtari i LDK-së, Halil Geci ka reaguar ashpër ndaj ish-ambasadorit të Kosovës, Lulzim Pecit.
Geci në reagimin e tij në rrjetin social facebook, e quan ambasador të “Pronto mafisë” Pecin, teksa shton se po mbështet indirekt opozitën.
Reagimi i Gecit vjen pasi Peci ka thënë se Kosova e ka humbur trenin, pasi që është dashur me presidentin amerikan Joe Biden me përmbyllë procesin me Serbinë, ndërsa Geci shton se Kosova ishte e gatshme, por ishte Serbia ajo që nuk luan asgjë pa miratimin e Rusisë.
Më poshtë reagimi i plotë:
Ish ambasadori i dikurshëm i emëruar nga ish opozitarët e dikurshëm, sot na ka dalë një analist destruktiv i cili mbështet indirekt opozitarët, duke e ditur se ymri i tij s'do t'ia mbrrijë që ta kullosë livadhi e pushtetit.
Ai në Clik me analistin Fetoshi patën një përplasje mendimesh në mes veti, ish ambasadori thotë: se Kosova e ka humbur trenin, arsyeja pse Qeveria është dashur që nga ardhja e Bidenit në pushtet ta përmbyllë këtë punë e jo sot kur edhe pak muaj fillojnë zgjedhjet në Amerikë dhe Evropë.
O ambasadori i pronto mafisë! Kosova ka qenë fort e interesuar, por Serbia ka qenë ajo që nuk guxon ta luajë qerpikun pa miratimin e Rusisë.
O zuzarë, Rusia nuk i ka sjellë armët dhe agjenturat në Nish, Rashkë e Mitrovicë për reklamë, por për të shkaktuar konfliktin të ri për të cilin është përgatitur Serbia qe 23 vite.
O ish ambasador i leshit, një botë e di se Serbia dhe Hamasi janë mashë e Rusisë e ti ambasador kaka hanë… e devijon bisedën. Respekt për moderatorin Arbër Vllahiun dhe analistin Fetoshin!
Sigurisht ish ambasadorit dhe disa opozitarëve iu kanë dhimbsur largimi i "Rojës së Urës", ngase me ikjen e tyre, iu kanë ikur bizneset e tradhtitë që deri me sot ia kanë bërë Atdheut tonë të shtrenjtë!
