Presidentja e Kosovës, Vjosa Osmani dhe kryeministri Albin Kurti sot kanë pasur një diskutim në Kuvendin e Kosovës.
Nga ajo që ka kapur kamera Osmani dhe Kurti janë duke u fjalosur gjatë këtij diskutimi.
Sipas profesorit, Nezir Kraki, dallimet mes presidentes dhe kryeministrit janë normale, derisa theksoi se nuk do ishte mirë për demokracinë në Kosovë, nëse ata do të mendonin gjithmonë e për çdo çështje njëjtë.
“Institucioni i presidentit dhe kryeministrit nuk e kanë rolin e njëjtë, nuk do ishte mirë për demokracinë nëse ata dy do të flisnin në të njëjtën gjuhë në çdo temë në çdo aspekt. Mirë që ka dallime edhe në raport me ndërkombëtarët, me atë cka duhet Kosova të bëjë… Nëse njëri e ka kërkesën më poshtë tjetri më lart, gjithsesi duhet të jenë në interes të Kosovës, nëse ligji për zgjedhjet, reforma zgjedhore nuk i përshtatet interesave të Kosovës, atëherë mund të ketë mosmarrëveshje publike apo private derisa të gjendet mesi i pranueshëm”, tha Kraki.
Sipas tij nëse presidentja Osmani pretendon të ketë një mandat të dytë, do t’i nevojiten patjetër votat e VV-së.
“Osmani ka mandatin nëse pretendon të ketë mandat të dytë normalisht do të ketë varësi nga VV, do të ketë nevojë për votat e saj. Këta kanë garu bashkë në zgjedhje, kanë qenë në koalicion, është normale që normal në politikë të gjitha koalicionet janë interesa të secilës palë. Në momentin që Osmani është bërë presidente, është larguar, ka rol tjetër”, tha ai.
