Ministria e Punëve të Jashtme të Mbretërisë së Bashkuar ka lëshuar një njoftim për media lidhur me vizitën që kryediplomati britanik, David Cameron, po zhvillon në Kosovë.
Në komunikatë për media thuhet se Cameron po e realizon vizitën e tij të parë për vitin 2024 në Kosovë në një kohë të rritjes së jo stabilitetit në gjithë rajonin e Ballkanit Perëndimor.
Gjithashtu është treguar se Cameron do të takojë edhe trupat britanike që shërbejnë në Kosovë në kuadër të NATO-s.
This week, @David_Cameron is visiting Kosovo on his first trip of the New Year.
— Foreign, Commonwealth & Development Office (@FCDOGovUK) January 4, 2024
He will meet UK personnel permanently deployed to @NATO’s peacekeeping mission.
In meetings with counterparts, he will underline UK commitment to support Kosovo and wider Western Balkans stability,… pic.twitter.com/lPSO9VtQy5
“Mbretëria e Bashkuar është krenare për mbështetjen e saj të gjatë për sovranitetin dhe pavarësinë e Kosovës, dhe ne po luajmë një rol jetik në ruajtjen e stabilitetit në Ballkanin Perëndimor për të siguruar që konfliktet e së kaluarës të mos ndizen edhe një herë. Trupat tona po e mbështesin atë stabilitet përmes NATO-s, ekspertët tanë të zbatimit të ligjit po trajtojnë korrupsionin dhe krimin e organizuar dhe diplomatët tanë po punojnë me partnerët për të ndihmuar në ruajtjen e arritjeve të arritura përmes paqes dhe dialogut”, ka deklaruar Cameron.
