Në kuadër të Forumit Ekonomik Botëror (WEF) shefi i diplomacisë zvicerane Ignazio Cassis ka zhvilluar një konfrencë shtypi me përfaqësues të mediave ndërkombëtare që po ndjekin për së afërimi sesionin e WEF-it.
Gjatë kësaj konference pos luftërave dhe krizave në botë Cassis ka folur edhe për Kosovën dhe shqiptarët duke ju përgjigjur pyetjeve të redaktorit të gazetës zvicerane në shqip Le Canton27.ch Nefail Maliqi i cili po ndjekë punimet e samitit botëror në Davos.
Zoti këshilltar federal, siç e dini, sot në Davos janë kryeministri Albin Kurti si dhe presidenti serb Aleksandër Vuçiq. Megjithatë, dy personat nuk u takuan. Çfarë do të thotë kjo duke pasur parasysh brishtësinë e situatës në rajon? Çfarë mendoni për dialogun ndërmjet Kosovës dhe Serbisë? Çfarë roli mund të luajë Zvicra në këtë proces?
Ignazio Cassis: Më duket shumë interesante dhe aktualr pyetja e juaj për tensionet mes Serbisë dhe Kosovës. Nëse shikojmë rreth Zvicrës, shohim Ukrainën, Kaukazin, Ballkanin Perëndimor, Saël, Oqeaninë. Pra, Evropa është e përfshirë nga një brez krize që absolutisht nuk na lë të qetë. Një kontinent që po plaket dhe ka shumë borxhe. Kjo me dy fjalë është situata në planet sot. Nga aty duhet të fillojmë gjithmonë të jetojmë marrëdhëniet tona me Bashkimin Evropian dhe marrëdhëniet tona me vendet fqinje, sepse edhe ata kanë të njëjtin fat si ne. Pra, ne duhet t’i bëjmë vetes pyetjen se si të bëjmë një hap së bashku për të pasur sukses në të qenit një kontinent që është ende i fortë sot në këtë situatë gjeopolitike.
Besoj se gjendja jonë në Zvicër është ende shumë e mirë, por nuk është e dhënë dhe duhet të jemi të vetëdijshëm për këtë. Këtë na e kujtojnë Kosova dhe Serbia. Pas njëzet vjet diskutimesh dhe bisedash ne ende nuk mund të gjejmë një rrugë. Sa më përket mua, kam folur shpesh me përfaqësuesit e dy vendeve, Vuçiqin dhe Kurtin, por nuk arrijmë ta zgjidhim. Nga njëra anë është dëshira për të zhbllokuar situatën, por kushtet fillestare nuk mund të afrohen. Dhe mbi të gjitha ka përçarje brenda popullsisë të cilat nuk janë të lehta për t’u kapërcyer, përveçse me kalimin e kohës.
Për dhjetë vjet në Bruksel flasim për Kosovën. A mund të jetë Zvicra ndërmjetëse?
Ignazio Cassis: Kjo është e drejtë. Kur Bashkimi Evropian mori iniciativën, ne ende nuk kemi konkurruar. Ne e mbështesim BE-në me mjete, me diplomatë. Por themi edhe ku jemi skeptikë për këtë iniciativë, për atë që po bën BE. Për momentin, është ende ky proces që ne dëshirojmë të shohim të arrihet një zgjidhje. Nëse shohim se nuk funksionon, do të duhet të mendojmë përsëri dhe të shohim se çfarë rrugësh të tjera mund të propozohen.
Nga 1 janari i këtij viti, kosovarët mund të dalin nga shteti i tyre pa viza për të udhëtuar në vendet e BE-së, përfshirë edhe Zvicrën. A prisni një valë kosovarësh drejt Zvicrës? A do të kenë të drejtë të punojnë atje, apo të kërkojnë azil atje, apo të qëndrojnë atje si turistë?
Ignazio Cassis: Nëse dëshironi të vendoseni në Zvicër ose të kërkoni azil atje, zbatohen ligje dhe rregullore të tjera. Kosovarët, si të gjithë qytetarët në planet, kanë të njëjtat të drejta sipas ligjeve tona.
