Komandanti i misionit të KFOR-it të udhëhequr nga NATO, gjeneralmajor Özkan ULUTAŞ ka bërë ndërrimin e komandës Rajonale të KFOR-it në Perëndim.
Koloneli Gabriele VACCA, komandant në largim për Komandën Rajonale Perëndimore, ia dorëzoi komandën e tij kolonelit Francesco Ferrara.
Kontigjenti italian i përbërë nga Regjimenti i 11-të i Bersaglierëve u zëvendësua nga Regjimenti i 1-të i Bersaglierëve.
Autoritete të shumta civile dhe ushtarake ishin të pranishëm, duke përfshirë komandantin e Komandës së Përbashkët të Operacionit të Italisë, gjeneral Francesco Paolo FIGLIUOLO, zëvendëskomandantin e KFOR-it, Gjeneral Brigade Federico BERNACCA, ambasadori italian në Kosovë, Antonello De Riu dhe përfaqësues të organizatave ndërkombëtare. autoritetet fetare dhe komunat lokale.
Gjeneralmajor Özkan ULUTAŞ shprehu vlerësimin e tij për kolonelin VACCA, për rezultatet e jashtëzakonshme që ai dhe personeli i tij arritën gjatë mandatit të tyre, në mbështetje të mandatit të KFOR-it, bazuar në Rezolutën 1244 të Këshillit të Sigurimit të Kombeve të Bashkuara të vitit 1999, dhe për ndikimin e tyre në sukses te misionit.
Ai theksoi standardet e jashtëzakonshme operacionale të shfaqura nga regjimenti i 11-të i Bersaglieri dhe bashkëpunimin efektiv të tyre me kontingjentet nga Shqipëria, Austria, Kroacia, Moldavia, Maqedonia e Veriut, Polonia, Zvicra dhe Turqia të dislokuara me Komandën Rajonale të KFOR-it në Perëndim.
Komandanti i KFOR-it bëri nderime për bashkëluftëtarët e plagosur dhe për ata që sakrifikuan në emër të KFOR-it.
Gjeneralmajor ULUTAŞ i shprehu urimet më të mira kolonelit FERRARA për një dislokim të suksesshëm.
Gjenerali FIGLIUOLO vlerësoi kontingjentin italian që po largohet për profesionalizmin e shfaqur dhe theksoi se “respektimi për sundimin e ligjit dhe dinjitetin e të gjithë njerëzve, pavarësisht nga përkatësia etnike dhe besimi i tyre fetar, do të vazhdojë të mbështesë kontributet e përditshme të Italisë në përpjekjet e KFOR-it”.
