Lideri i AAK-së, Ramush Haradinaj shkruan në Facebook se aleanca e NATO-së në korrik të këtij viti shënon 75 vjetorin e themelimit. Ai shkruan se kur NATO shënoi jubileun e 50-të, u bë shpëtimtari i një vendi dhe një populli.
Ai shkruan tutje se ‘sot është koha të heqim dorë nga fitoret e vogla, e ta synojmë fitoren e të gjitha fitoreve, NATO-n’.
Postimi i plotë:
Aleanca më e fuqishme ushtarake e globit - NATO, në vitin 1999, në jubileun e saj të 50-të ishte shndërruar në shpëtimtar të një vendi e të një populli.
Tash kur po paralajmërohet samiti i madh historik në korrik, që përkon me 75-vjetorin e NATO-s, e ku po paralajmërohet se në këtë samit, jo vetëm se do të shënohen 75 vjet histori të kësaj Aleance, por fokusi do të jetë edhe në 75 vitet e ardhshme të saj. Kosova edhe një herë, më shumë se kurrë, ka nevojë për shpëtimtarin e saj që të bëhet anëtar i kësaj Aleance.
Sot është koha të heqim dorë nga fitoret e vogla, e ta synojmë fitoren e të gjitha fitoreve, NATO-n!
