Deputeti Haki Abazi është shprehur se qeveria e kryeministrit Albin Kurti e ka vendosur Kosovën kundër SHBA dhe BE-së.
Komentet Abazi i bëri në një lidhje ku tha se tani Kosova po shihet se vend provokues nga BE dhe SHBA.
Ai tha gjithashtu se këto veprime të Kurtit, i shkojnë për shtat Serbisë dhe presidentit Aleksandër Vuçiç.
“Tani mund të shikojmë një situatë që ka bllokuar totalisht rrjedhën e dialogut. Rrjedhimisht edhe të procesit të normalizimit të marrëdhënieve. Të dyja palët janë në pozicione të blerjes së kohës për realizimin e marrëveshjes ë Brukselit dhe Ohrit.
Kurti po bën atë që do të bëjë, do të blejë kohë për të mos realizuar kërkesën kryesore të BE dhe SHBA që është asociacioni dhe Vuçiç blen kohë duke pritur një moment të rëndësishëm të një triumfi të Rusisë në Ukrainë, që do i rriste mundësinë Serbisë të kishte më shumë hapsirë negocimi në Ballkan.
Ajo që po shihet qartë është se po vijojnë masat kundër Kosovës, por rritet sentimenti antiamerikan dhe antieuropian te popullata, duke iu nënshtuar një kampanje të tmerrshme ndaj qeverisë Kurti. Sa i përket çështjes së viktimizimit dhe kjo aspak nuk i bën punë Kosovës, sepse është realizim i qëllimit të Serbisë që Kosova të shihet në dritën e provokuesit nga Perëndimi”, tha Abazi.
