Presidenti i Serbisë, Aleksandar Vuçiq ka dhënë së fundi një intervistë për N1, filialën e CNN në Serbi.
Aty ka folur shumëçka, ndërsa komentoi edhe çështjen e 18 prillit, atë të votimit të Kosovës për në KiE.
Në ankesat drejtuar bashkësisë ndërkombëtare lidhur me atë se po e ndihmojnë Kosovën, u pyet nga gazetarja se pse po ankohet kur veç e ka pranuar një gjë të tillë përmes marrëveshjes së Ohrit.
Ai u përgjigj në mënyrë diplomatike, me ç’rast shtoi se disa pika të marrëveshjes nuk do t’i zbatojë, duke vënë theksin te neni 4, për të cilin në Kuvend pat thënë që e pranon në parim.
Në anën tjetër, tash e tre ditë më parë, njohësi i zhvillimeve në Ballkanin Perëndimor, Daniel Serwer pandeh se ShBA-ja i ka premtuar Vuçiqit themelimin e Asociacionit, andaj edhe kjo është arsyeja pse ai s’bëzanë sa i përket anëtarësimit të Kosovës në KiE.
“Kam frikë se amerikanët i kanë premtuar Asociacionin, Beogradit dhe nuk duan të bien në ‘shpatat’ e tyre.
SHBA nuk është pjesë e Këshillit të Evropës, por ndikimi i saj do të jetë i fortë në disa prej shteteve evropiane, përfshirë Francën”, shkroi ai në platformën X.
I fear the Americans have promised ASMM to Belgrade and don't want to fall on their swords. The US is not @coe, but its influence will be strong among some of the Europeans, including France. https://t.co/afZsD8XMHg
— peacefare.net (@DanielSerwer) March 27, 2024
