Publicistja Kimete Berisha në një postim të saj në Facebook ka komentuar zhvillimet e fundit në vend dhe kërkesat e opozitës për të shkuar në zgjedhje.
Ajo shkruan se nga sondazhet ende 50% e duan Albin Kurtin. Madje sipas saj, atë e duan edhe ata që ikin nga Kosova, ata që rrinë në Kosovë dhe ata që s'kanë ku të kthehen - e duan nga largësia.
Berisha shkruan se edhe Abelardi e thyen heshtjen, kërkon zgjedhje të parakohshme dhe ti menjëherë e ke të qartë se pse votuesi e do Albin Kurtin.
Publicistja komentoi edhe pytësorin e regjistrimit të popullësisë.
Ajo komentoi edhe paraqitjet e fundit të Ministres së Drejtësisë, Albulena Haxhiu.
Postimi i plotë:
S'ka lënë gjë pa komplikuar!
1. E kishte vjedhur pak verë dhe i duhej edhe pak bukë për ta shoqëruar verën.
Në ato çaste, Jean -Jacques Rousseau-it i kujtohet Maria Antoneta, e cila, kur i kishin thënë se fshatarët s'kanë bukë për të
ngrënë, ishte përgjigjur:
- Le të hanë tortë.
- U zhyta në këto mendime derisa po i lexoja sondazhet që tregojnë se Albin Kurtin ende e duan 50 për qind e shqiptarëve.
E vërtetë është. E duan.
- Le ta duan.
Dashuria është luks për të pasurit, por jo për të varfërit.
- Edhe ata që s'kanë ku të kthehen - e duan nga largësia...se kjo dashuria nga largësia zgjat më së shumti, sepse nuk ekziston.
- Edhe ata që ikin nga Kosova - e duan, se s'ka më kollaj se sa ta duash dikë prej të cilit ikë.
- Edhe ata që rrinë në Kosovë - e kanë harruar veten duke e dashur Albinin, sepse për veten nuk kërkojnë 'shpëtim'!
- As nuk ikin nga trishtimi, as nuk protestojnë kundër trishtimit.
Ata vegjetojnë.
- E Dashurinë e 'elitës' Albin Kurti e blen me paret e shtetit.
2. Pastaj Abelardi e thyen heshtjen, kërkon zgjedhje të parakohshme dhe ti menjëherë e ke të qartë se pse votuesi e do Albin Kurtin.
- Pse i kërkon zgjedhjet kur e di se zgjedhjet do t'i fitojë Albin Kurti!
- Be quite!
3. Mos më pyet se pse Zoti e lejoi Moisiun ta shihte por jo ta shkelte 'Tokën e Premtuar'!
Se, nuk e kuptoj...
Faraoni nuk kishte probleme me Tokën e Tij, anipse Zot i kishte statujat, dhe veten e konsideronte Zot, por Zoti nuk hidhërohej me të.
- Mos më pyet se pse Zoti e lejoi Moisiun ta shihte por nuk i tregoi se si quhej!
- Zoti i tha se quhej 'Unë jam'.
Zbathi sandalet, i tha...dhe shko thuaju njerëzve të t'u se 'Unë jam' më ka porositur....
- Mos më pyet se pse izraelitët udhëtuan në shkretëtirë 40 vite për rrugën që do të shkohej për 11 ditë?
- Pse Zoti u hidhërua me Moisiun për një gur?
- Zoti kërkoi nga Moisiu të fliste me gurin para se të kërkonte nga guri - ujë, e jo siç veproi Moisiu, të cilit hyri vetja në qejf dhe e urdhëroi gurin që të bëhej ujë!
- Mund të më pyesësh se pse disa popuj si izraelitët dhe shqiptarët nuk rehatohen kurrë, por unë nuk të përgjigjem.
4. Më pyet ti mua: pse Albulena Haxhiu sillet në varreza si në sfilatë mode, dhe pse gjatë orarit të punës e ndërron garderobën si në tretën e ditës...
këtë përgjigje di ta them.
- Me setër të kaltër tek varrezat në Rezallë, menjëherë pas varrezave (dhimbje e madhe), me mantel ngjyrë kaki pozonte në çardakun dhe në nevojtoren e braktisur të Radojçiqit.
5. A lahesh ti në dush-kabinë apo në koritë - kjo është pyetja që i intereson Albin Kurtit e që shtrohet në pyetësorët e regjistrimit të popullsisë!
- A shkon ti në punë me veturë - të pyet Albin Kurti, por nuk të pyet: a ke vend ku ta parkosh veturën dhe pse ka vend parkim veç për stafin politik!
- Albin Kurti të pyet: A ke përjetuar trauma në luftë!
- Jo more çfarë traumash, kam përjetuar lumturi në luftë!
- Sa lidhje të dështuara erotike i keni pasur?
- Në çfarë moshe të ka ndodhur puthja e parë?
- A beson në dashuri në shikim të parë?
- Krejt-krejt por pse po hyn në dush - kabinat e shqiptarëve, nuk e kuptoj.
- Ti po më pyet mua, a ka banesa jote fasadë, a ka çimento, a ka bodrum, se nuk paska Institucion që merret me këtë punë, po u dashka që ne të jemi edhe ekspertë të ndërtimtarisë!
- Pyetësorët për regjistrimin e popullsisë janë
- hyrje në kuzhinën tënde, e di sa lugë i ke;
hyrje në ËC-në tënde - e di sa herë lahesh dhe a lahesh;
- hyrje në dhomën tënde të fjetjes, e di sa herë çon ti dashuri (dhe a çon dashuri)...
- Këto pyetje janë ndërhyrje në privatësi...ky është thjesht spiunim kolektiv i popullit, me lejen e popullit!
6. Albin Kurti në opozitë, ka qenë jashtëzakonisht i zhurmshëm, kur ka kërkuar që shqiptarët të mos e deklarojnë fenë e tyre, sepse kanë të drejtë të mos e deklarojnë.
- E tash, Albin Kurtit i intereson të dijë se çfarë feje ke ti!
- Besimi dhe feja nuk janë e njëjta 'gjë'.
Ti mund të besosh në Zot, por jo në Fe. Edhe çka tash!
Duhet ta dijë shteti se a beson ti a jo!
E nëse s'beson duhet të merret vesh kjo, që 'shteti i korruptuar' të ta bëj ty me gisht.
- Ky nuk është regjistrim human, ky është spiunazh dhe është shkrimi i dosjeve të shqiptarëve me dorën e tyre.
- Duhet t'i dish të gjitha ti!
Duhet t'i kontrollosh njerëzit edhe në mendje, edhe në shpirt, edhe në kuzhinë, edhe në dhomë të fjetjes, sidomos në ËC!
- Po tutesh që nuk je musliman a çka!
Musliman je!
Edhe?
- Pse pra je kaq i trishtuar!
7. Albin Kurti çdo gjë e komplikon, edhe për t'u dukur i mençur, edhe sepse e di se populli të cilin e ka quajtur 'analfabet funksional' nuk i lexon pyetësorët, përgjigjet qeveria për ta.
Vetëm ai që s'ka talent zgjedh tema të mëdha dhe komplikon çdo gjë!
I madhi i thjeshtëson gjërat!
8. S'ka lënë vend pa i futur hundët!
Dje e rikujtoi datën e pushtimit të Shqipërisë nga Italia fashiste!
- Shih ti me çka merret!
Pse nuk i dalin boll armiqtë e gjallë, por i thirr në ndihmë e i ringjallë edhe 'armiqtë e vdekur'!
- Pse duhet që italianit të sotëm, që
ka luftuar dhe e ka dhënë jetën për çlirimin tënd, që e ka pranuar pavarësinë tënde dhe që edhe sot të
ruan me ushtarë, t'ia rikujtosh atij se dikur ka qenë pushtues i Shqipërisë!
- Çfarë domethënë kjo?
Kë do ta 'vrasësh' ti duke i nxjerr nga varri heronjtë e vdekur!
- Është njësoj sikur kur pajtohesh me dikë që të ka lënduar, ti ia fal gabimin, por pastaj ia nxjerr nga hunda, ia përmend vazhdimisht gabimin, e shënon secilin përvjetor të gabmit të tij, anipse jeni pajtuar!
- Albin Kurti është fiksuar pas fashizmit italian, shkaku që është mërzitur me Melonin, të cilën e quajti fashiste!
Melonin e ka armike sherri që Meloni e ka mik Edi Ramën!
- Kaq e thjeshtë është urrejtja.
Nuk i duhet më shumë urrejtjes që të lulëzojë!
- Po provokon.
Po e shfrytëzon historinë dhe varret për të krijuar dhe rikrijuar armiq, jo të tij, por të Kosovës.
- Po vërehet.
Armiqësia duhet të duket si miqësi, nëse ta merr mendja ty që në shpinë të Kosovës dhe me harxhimet e shtetit të bëhesh armik i një miku - duhet njëfarë koncentrimi.
9. Në Teatër është luajtur 'Fausti'.
Shqiptarët 'të padjallëzuar' siç janë, ende 'çuditen' me Faustin, ku-ku, o Zot, si ndodhi, larg qoftë, që Fausti ia shiti shpirtin djallit për dije dhe për pushtet.
Së paku Fausti e ka shitur shpirtin e tij personal...ndërsa shqiptarët 'që çuditen'
e shesin shtetin e shpirtin e popullit për pushtet dhe me paratë e fituara nga shitja nuk blejnë art e shkencë, por ushqime të ndryshme dhe të
shijshme..!
E në fund, Fausti shkon në Parajsë...!
Kjo të frymëzon pa masë.
P.S.
Përndryshe,
Ti m'ke braktisur.
T'qofshin haram ndjenjat e mia'.
