Ambasadori gjerman Jorn Rohde, teksa ka komentuar takimin e përfaqësues special të Gjermanisë për Ballkanin Perëndimor, Manuel Sarrazin me kryeministrin Albin Kurti, ka potencuar rëndësinë e procesit të Berlinit.
“Në takim me kryeministrin Albin Kurti, Manuel Sarrazin përfundoi vizitën e tij në Kosovë. Duke shprehur mbështetjen e patundur të Gjermanisë për rrugën e Kosovës përpara drejt integrimeve euroatlantike, ai theksoi se çfarë duhet bërë edhe nga ana e Kosovës.
Procesi i Berlinit është elementi kyç për rrugën përpara”, ka shkruar Rohde në X.
Ndërkaq kryeministri Kurti nga takimi me Sarrazin ka theksuar mundësinë e lëvizjes së lirë mes Kosovës e Bosnje-Hercegovinës.
“Ndërsa Procesi i Berlinit feston 10 vjetorin e tij këtë vit, ai nënvizon rëndësinë e tij si një platformë për bashkëpunim dhe rëndësinë e respektimit të marrëveshjeve të kaluara, përfshirë lëvizjen e lirë ndërmjet Kosovës dhe Bosnjës”, ka shkruar Kurti.
By meeting with PM @albinkurti, 🇩🇪 SR @ManuelSarrazin concluded his visit to 🇽🇰.
— Ambassador Jörn Rohde (@GermanAmbKOS) April 12, 2024
While expressing 🇩🇪's steadfast support to 🇽🇰's path forward on Euro-Atlantic integration, he emphasized what needs to be done from 🇽🇰's side as well. Berlin Process is key element for way forward! https://t.co/9g9700kr4w
