Policia konfirmon se pati të shtëna te pompa e derivateve në Prishtinë

Policia e Kosovës njofton se sot rreth orës 19:30, kanë marrë informatën për të shtëna me armë zjarri në afërsi të një pompe derivatesh, në Prishtinë. Sipas policisë, bazuar në të dhënat e deritanishme në këtë rast nuk ka ndonjë person të lënduar.

“Sot rreth orës 19:30, kemi marrë informatën për të shtëna me armë zjarri në afërsi të një pompe derivatesh, në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme. Bazuar në të dhënat e deritanishme në këtë rast nuk ka ndonjë person të lënduar", kështu ka thënë zëdhënësja e policisë së Kosovës për rajonin e Prishtinës, Flora Ahmeti.

Sipas policisë, hetuesit policor në koordinim me prokurorinë, po ndërmarrin veprimet hetimore për ndriçimin e plotë të rastit, ndërkohë që prezenca e njërit prej personave të përfshirë në rast është siguruar nga ana e policisë.

KosovaPress raportoi fillimisht për një trup të mbuluar brenda shiritit të vendosur nga policia, që shihet në foton e siguruar nga vendi i ngjarjes.  

Gjuajtje me armë zjarri ka ndodhur tek një pompë derivatesh në Prishtinë, përkatësisht “Rrethi te Ismeti” – lagjja “Arbëria”.

Zëdhënësja e policisë për rajonin e Prishtinës, Flora Ahmeti, tha se PK ka dalë në vendin e ngjarjes, ndërkaq s’ka persona të lënduar.

“Sot rreth orës 19:30, kemi marrë informatën për të shtëna me armë zjarri në afërsi të një pompe derivatesh, në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme. Bazuar në të dhënat e deritanishme në këtë rast nuk ka ndonjë person të lënduar”, deklaroi Ahmeti.

Ndërkaq njëri nga personat e përfshirë në ngjarje, është siguruar nga ana e policisë.

Hetuesit policor në koordinim me prokurorinë, po ndërmarrin veprimet hetimore për ndriçimin e plotë të rastit.