Kryetari i Lidhjes Demokratike të Kosovës, Lumir Abdixhiku ka mbledhur Departamentin e Ekonomisë dhe Financave brenda partisë që i prin.
Ai ka njoftuar se pjesë e këtij departamenti janë ekspertë dhe profesionistë të fushës, të dërguar nga të gjitha degët e LDK-së.
“Si përmbledhje e një ekipi që do të ndërtojë dhe promovojë programin politik ‘Rruga e Re’”, ka shkruar Abdixhiku.
Sipas kryetarit të LDK-së, Kosova meriton dhe mundet më mirë. Për këtë arsye ai ka premtuar buxhetin prej 4.5 miliardë eurove.
“Rritje ekonomike 5%, miliardë euro investime kapitale, Central me gaz, qendër e re spitalore, investime në Brezovicë e Dukagjin, përfundim i të gjitha rrugëve rajonale, stadium Kombëtar në Prishtinë, koeficient 150, aviokompani kombëtare, 500 milion euro investim në Teknologji, Këto janë disa nga synimet më madhore të ‘Rrugës së Re’. Gjatë ditëve e javëve në vijim, do ta shpalosim secilin – secilin projekt – në veçanti”, ka shkruar Abdixhiku.
