Komiteti i Ministrave të Këshillit të Evropës, nuk do të shqyrtojnë aplikimin e Kosovës për tu anëtarësuar në këtë organizatë as në mbledhjen që do të mbahet këtë javë.
E për këtë ka reaguar ashpër publicisti Milaim Nela.
Ai në një postim në Facebook u shpreh se ky nuk është vetëm një lajm i paprecedentë por shumë i keq për Kosovën.
“Është një lëshim tjetër që i bëhet Serbisë dhe mesazh jashtëzakonisht i gabuar që i jepet një shteti agresor siç vazhdon të jetë Serbia!” – shkroi ndër të tjera Nela, përcjell “Bota sot”.
Postimi i plotë
Shtyrja e vendimit të KiE për shqyrtimin e anëtarësimit të Kosovës në mbledhjen e tij të radhës është jo vetëm një lajm i paprecedentë por shumë i keq për Kosovën!
Është një lëshim tjetër që i bëhet Serbisë dhe mesazh jashtëzakonisht i gabuar që i jepet një shteti agresor siç vazhdon të jetë Serbia!
E shprehur me gjuhë të thjeshtë është ulje në gjunjë e Europës para Serbisë!
Politika Europiane ndaj Ballkanit dhe në veçanti ndaj Kosovës është më e paqartë se kurrë!
