Sipas analistit Albinot Maloku Këshilli i Evropës u shfrytëzua për t’i bërë presion Kosovës për të ecur përpara.
Në “InfoMagazinë”, Maloku tha se presioni po rrjedh edhe prej “po-së” së thënë në Bruksel e në Ohër.
“Këshilli i Evropës nuk e tradhtoi Kosovën por pati shfrytëzim të KiE për të i bërë Kosovës presion ëpr të ecë përpara. Por ky presion po rrjedh si pasojë e “po-së” së thënë në Bruksel dhe në Ohër vitin e kaluar nga Qeveria e Republikës së Kosovës”, tha Maloku.
Tutje, ai shtoi se përveç faktorit ndërkombëtare, pamençuria e lidershipit aktual në Kosovë ka bërë që sot anëtarësimi në KiE të mos jetë në rend të ditës.
“Faktori ndërkombëtar ka pas çasje dyfytyrësie por pamençuria e paurtësia politikë e lidershipit aktual në Kosovë e ka prodhuar situatën aktuale që Kosova sot nuk është në rend të ditës me mundësi për t’u anëtarësuar në këtë mekanizëm”, tha Maloku.
