Kryeministri Albin Kurti, ka thënë se “Shtetet e Bashkuara të Amerikës janë aleat historik i Kosovës”.
“Po shikojmë tutje që ta forcojmë dhe thellojmë bashkëpunimin, sidomos në ekonomi tregti, duke përfshirë po ashtu edhe të rinjtë dhe gratë”, tha ai.
Këtë deklarim i pari i Qeverisë së Kosovës i bëri pas takimit me nënsekretarën amerikane për Diplomaci Publike, Elizabeth Allen.
Sot nënsekretarja amerikane, u takua edhe me presidenten Vjosa Osmani, ku nënshkruan marrëveshjen e mirëkuptimit ndërmjet Qeverisë së Shteteve të Bashkuara të Amerikës dhe Republikës së Kosovës, kundër manipulimit të informacionit nga shtetet e huaja.
