Deputeti i Parlamentit të Kosovës, nga radhët e PSD-së, Dardan Molliqaj e ka quajtur takim sekret të liderëve politik të Kosovës, të cilët sot gjatë ditës u takuan mes vete.
Presidenti Thaçi u taku me kryeministrin Ramush Haradinaj dhe me kreun e Nismas Socialdemokrate, Fatmir Limaj.
E ky takim sipas Molliqajt ishte takim sekret i Thaçit.
“Një dialog sekret, si ky që po e bën Thaçi, nuk mund të jetë në interes të Kosovës.
Kosova nuk ka nevojë për takime të fshehta si ai i sotmi në mes të Thaçit, Haradinajt e Veselit, por për debat të hapur gjithëqytetar.
Thaçi, Veseli e Haradinaj, në vend që të struken në takime sekrete, duhet t'i përgjigjen kërkesës për debat parlamentar në Kuvendin e Republikës së Kosovës”, shkruan Molliqaj në Facebook, transmeton gazeta “Bota sot”.
