Jetlir Zyberaj, këshilltar i ministrit për Punë të Jashtme Behgjet Pacolli, ka thënë se flamuri i Kosovës nuk është hequr gjatë takimeve në Stamboll, siç ka deklaruar presidenti i Serbisë, Aleksandër Vuçiq.
Në një përgjigje për media, Zyberaj e ka quajtur shpifës të kriminalizuar presidentin serb teksa ka thënë se delegacioni i Kosovës është nderuar në nivelin më të lartë protokollar.
Vuçiq: I pash Thaçin e Pacollin, me kërkesën time në Stamboll hoqën flamurin e Kosovës
“Vuçiqi është një shpifës i kriminalizuar. Flamuri i Kosovës ka qenë aty ndërsa delegacioni i Kosovës është nderuar me nivelin më të lartë protokollar”, ka thënë ai.
Në lidhje më këtë temë ka reaguar edhe presidenti i vendit, Hashim Thaçi.
Thaçi ka thënë se në Stamboll të Turqisë është nderuar shteti i Kosovës dhe shteti i Shqipërisë.
“Krenar me respektin që u bëhet shteteve tona. Beogradi le të krrokat sa të dojë. HTH”, ka shkruar presidenti Thaçi në faqen e tij zyrtare në Facebook.