Një nënë është ankuar që shkollat po tregohen të pakujdesshëm për të ruajtur fëmijët nga ngacmimet. Ajo thotë se ishte pikërisht kjo arsyeja pse djali i saj 10 vjeç ka bërë vetëvrasje.
Vetëvrasje të shumta të fëmijëve dhe të rinjve po ndodhin në SHBA, si pasojë e ngacmimeve të vazhdueshme në shkolla nga të tjerët, shkruan U.S.A today, raporton "Bota sot" .
Rrëfimi
Tami Charles i dha djalit të saj dhjetëvjeçar tre punë për të bërë, ndërsa ajo ishte jashtë shtëpisë.
Ajo u kthye në shtëpinë e saj në Shively rreth një orë më vonë për të parë nëse djali kishte përfunduar detyrat, mirëpo ajo gjeti djalin e saj të vdekur.
"Pse do ta ketë bërë këtë?" Charles pyeste veten derisa vraponte për të tentuar ta shpëtojë djalin. Mirëpo ajo tha se në mendjen e saj veç e kishte përgjigjen. Djali nuk mund të duronte më ngacmimin në shkollë.
Prindërit e fëmijës Charles dhe bashkëshorti i saj Donnie Bridges po bëjnë thirrje në Shkollat Publike të Qarkut Jefferson për të bërë më shumë për të ndaluar ngacmimin. Shkolla është fajtore për vdekjen e djalit tonë thonë prindërit.
Prindërit thonë se ai ishte ngacmuar vazhdimisht këtë vit shkollor në shkollë dhe në autobus, për aspekte racore. Charles tha se kur ajo u ankua në shkollë dhe kërkoi burime për fëmijët të cilët ishin ngacmuar, ajo u refuzua. Dhe, tha ajo, disa punonjës të shkollave filluan të trajtonin djalin e saj ndryshe pas ankesave të saj.
Kryeinspektori Marty Pollio tha se ngjarja e vetëvrasjes së 10 vjeçarit e ka tronditur. Ai tha se tani kemi obligim të kujdesemi për të gjithë që raste të tilla të mos përsëriten. Pollio tha se ata po hetojnë sulmet e raportuara në Kerrick, duke thënë se distrikti do të shqyrtojë mënyrën se si stafi i shkollës iu përgjigj ankesave dhe si u trajtua kjo çështje.
Ai kërkoi që të gjithë të raportojnë rastet të ngjashme që të mëren masa për parandalimin e vetëvrasjeve. Ky rast është rasti i tetë që po ndodh në atë rajon dhe është shumë shqetësues.
Mirëpo konstatimet se është vetëm ngacmimi shkaktar i vetëvrasjeve është kundërshtuar. Vetëvrasjet e fëmijëve mund të lidhen me ngacmimin, por kurrë nuk është shkaku i vetëm që I bënë fëmijët ta bëjnë këtë veprim, thonë profesionistët e shëndetit mendor.
Mirëpo prindërit këtyre iu përgjigjën me faktin se ata po përpiqen t’i shpëtojnë përgjegjësisë që kanë për rastin.