Hapet në Kaliforni muzeu dedikuar kanabisit - Bota Sot
Hapet në Kaliforni muzeu dedikuar kanabisit

Amerika

Hapet në Kaliforni muzeu dedikuar kanabisit

Më: 24 gusht 2019 Në ora: 16:41
Foto

Një muze dedikuar kanabisit, është hapur në Kaliforni. Muzeu është financuar nga një uebsajt i fokusuar tek përdoruesit e kanabisit, dhe i ka hapur dyert për vizitorët, në Los Angeles, që në fillim të gushtit.

Muzeu do të qëndrojë i hapur për dy muaj, dhe sipas kuratorëve, ka si qëllim të nxjerrë në pah padrejtësitë sociale për shkak të ndalimit të kanabisit në disa shtete amerikane.

“Qëllimi i muzeut është të luftojë stigmën që lidhet ende me kanabisin në ditët e sotme, dhe të hedhë dritë mbi një mori padrejtësish sociale që shihen ende si produkt i ndalimit. Gjithkush mendonte se të pije marijuanë më parë, ishte diçka shumë e keqe. Dukej sikur flitej për heroinë apo acid. Dhe është e pabesueshme sa shumë kanq ndryshuar gjërat. Tani, mund ta porositësh lirisht marijuanën, sic bën me një picë, dhe ta sjellin në shtëpi”, shprehen disa qytetarë.

Muzeu është i pajisur edhe me një dyqan dhuratash dhe një kafe. Ekspozitat sidoqoftë zënë pjesën më të madhe të hapësirës. Në të mund të shihen qindra artefakte, fotografi dhe kujtime. Kuratorët thonë se janë përpjekur të sjellin çdo epokë me thellësinë e saj.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...